بیزیم بو یئرلرده، مخصوصن بو گونلرده ، " طرح " آدی گلنده آدامی اوشوتمه توتور.
شاختالی هاوادا، اوتاقدا اوتوروب، پنجره‌نین آچیلماغیندان قورخان کیمی.
بیر "طرح " وئریلیب آدی " طرح صیانت " .
صیانت یعنی قوروماق، محافظت ائله‌مک.
تورکوسو بو دور ، اینترنت محدود اولوب، ال_قولو باغلاناجاق .
آمما بو آرادا کیم ؟ نه‌دن قوروناجاق ؟
بیر من بیلیرم، بیر سن، بیرده آللاه.
کیم بیلمه‌ییر بللی دئییل.
ایکینجی طرح، مسئول‌لارین مال و ثروتی گیزلین قالماسی‌دیر .
بو طرح قاباق‌کی طرح ایلن ایلگیسی وار . بئله کی ایکی‌سی‌ده بیر سؤز دئمک دیر .
اصلا بیزه نه ! کیمین نه‌یی وار ؟ نه‌یی یوخ ؟
کیم نه‌یئییب ؟ نه آپاریب ؟ نه چاپیب ؟
گیزلین قالماسی داها یاخشی
بیله‌رسن دئیه‌رسن، باش آغریدارسان
بیله‌رسن دئمه‌سن، توک آغاردارسان !
یازان: کیم جیغاز
لینک کوتاه: khalkhalim.com/f3a7f
اینجـــــــا تبلیغات کنید و در تمامــــــی صفحات دیده شوید
